हेटौडा

कुमारी स्याङ्बो
हेटौडा बागमति प्रदेश सरकारको सामाजिक विकास मन्त्रालयले ५१ वटा इन्स्टिच्युटलाई भाषा कक्ष्ाँ, ट्युसन कक्षा, लोकसेवा तयारी, कम्प्युटर कक्षा लगायतका कक्ष्ाँहरु सञ्चालन गर्न अनुमति दिएको छ । मन्त्रालयले चालु आर्थिक वर्षमै बागमति प्रदेशभित्रका ५१ वटा संस्थाहरुलाई अनुमति दिएको हो ।
मन्त्रालयमा गत आर्थिक वर्ष २ सय १२ वटा इन्स्टिच्युटले अनुमति लिन आवेदन दर्ता गरेको थियो । चालु आर्थिक वर्षमा एकसय भन्दा बढि संख्यामा इन्स्टिच्युटको अध्ययन तथा अवलोकन गरेको शिक्षा शाखाको अधिकृत कृष्ण आचार्यले बताए । मन्त्रालयले इन्स्टिच्युटको नवीकरण, कर, चुक्ता, कर्मचारी नियुक्ति, निश्चित योग्यता पुगेको र मापदण्ड पुरा गरेकोलाई मात्र अनुमति प्रदान गरेको जनाएको छ । आवेदन दिएका अन्य इन्स्टिच्युटहरुलाई पनि अनुमति प्रदान गर्ने प्रकृयामा रहेको आचार्यले जानकारी दिए ।