जी. न्यौपाने

हेटौंडाः होन्डा मोटरसाइकल ज्योती गु्रपको अग्रणी कम्पनि स्याकर ट्रेनिङ् कम्पनि प्रा.लि. ले हेटौंडामा नयाँ थ्रि.एस. डिलरसिप सञ्चालनमा ल्याएको छ । टाइम्स अटोहब प्रा.लि. नामक होन्डाको आधिकारीक डिलरको बुधबार उद्घाटन गरिएको हो । हेटौंडा १० स्थित रुद्रपथमा रहेको डिलरको संयुक्तरुपमा उद्घाटन गरिएको थियो । होन्डाको डिलर मकवानपुर उद्योग वाणिज्य संघका अध्यक्ष कृष्ण कटुवाल, स्याकर ट्रेनिङ् होन्डा मोटसाइकलका जेनेरल म्यानेजर सोहन श्रेष्ठ, स्याकर ट्रेडिङ्कै स्पेयर पार्टसका जेनेरल म्यानेजर मुकुन्दा श्रेष्ठले उद्घाटन गरेका हुन् । ग्राहकहरुका लागि बिक्री सर्भिस र स्पेयर पार्टसमा उच्चस्तरिय सेवा प्रदान गर्ने नेपालकै सस्तो ९.९९ प्रतिशत ब्याजदरमा कर्जा सुविधा दिने ग्राहकहरुका अपेक्षा पुरा गर्न टाइम्स अटोहब सधै तत्पर रहने अटोहबका प्रवन्धक निर्देशक शिवराम श्रेष्ठले बताए । सन् १९७६ मा स्याकर कम्पनी लिमिटेडको रुपमा स्थापित संस्थाले देशको मुख्य मुख्य शहरमा आफनो शाखा सञ्चालनमा ल्याएको छ । होन्डा मोटरसाइकल, स्कुटर, कार तथा पावर प्रोडक्टका लागि एकमात्र आधिकारीक बिके्रताको रुपमा स्थापित भएको छ । हेटौंडामा नयाँ म्यानेजमेन्टले कम्पनि सञ्चालन गर्ने जनाइएको छ ।