कुमारी स्याङ्बो

हेटौंडा÷ मकवानपुरको राक्सिराङ गाउँपालिकाको आयोजनामा नायव सुब्बा तथा खरिदारको लागि लोकसेवाको तयारी कक्षा आजबाट सुरु भएको छ । गाउँपालिकाको सभाहलमा तालिमको उद्घाटन प्रमुख अतिथी बागमती प्रदेशका सांसद सन्त बहादुर चेपाङले गरे । लोकसेवा तयारी कक्षामा ४५ जनाको सहभागीता रहेको गाँउपालिकाकी उपाध्यक्ष निर्मला हिम्डुङले बताइन । गाँउपालिकाको आयोजनामा भएको तालिम २५ दिनसम्म सञ्चालन हुने उपाध्यक्ष हिम्डुङले जानकारी दिइन । बिरेन्द्र जिम्बाको सभाध्यक्षतामा भएको कार्यक्रममा गाउँपालिकाका अध्यक्ष राजकुमार मल्ल लगायतको उपस्थिती रहेको थियो ।
बिकटमा रहेका बिपन्न जनजाति तथा पछाडी परेको समुदायलाई सरकारी सेवामा आकर्षित गर्न तालिम आयोजना गरिएको गाउँपालिकी उपाध्यक्ष हिम्डुङले बताइन् । यस क्षेत्रबाट सरकारी सेवामा काम गर्ने कर्मचारी न्युन रहेको छ ।