हेटौंडाः मकवानपुर प्रहरीले लागूऔषध गाँजा सहित दुई जना भारतीयलाई पक्राउ गरेको छ ।
पक्राउ पर्नेमा भारतको बिहार कालाबाघ बस्ने १९ वर्षीय सर्तोज आलम र सोही ठाउँ बस्ने १९ वर्षीय समिर आलम रहेको प्रहरीले जनाएको छ ।
ईलाका प्रहरी कार्यालय पशुपतिनगरबाट खटिएको प्रहरी टोलीले हेटौंडाबाट पथलैयातर्फ जाँदै गरेको ना ५ ख ४६०४ नम्बरको यात्रुवाहक बसलाई हेटौंडा उपमहानगरपालिका–१५ रातोमाटेमा सुरक्षजाँच गर्दा उनीहरु पक्राउ परेका हुन् ।
सुरक्षाजाँचका क्रममा प्रहरीले उनीहरुको शरीरमा बाँधेर लुकाई राखेको साँढे २ किलो लागूऔषध गाँजा बरामद गरेको जिल्ला प्रहरी कार्यालय मकवानपुरका प्रहरी उपरिक्षक सुशीलसिंह राठौरले जानकारी दिए ।
पक्राउ परेका दुबै जनालाई हिरासतमा राखी थप अनुसन्धान भईरहेको प्रहरीले जानकारी दिएको छ ।