हेटौंडाः दुई दिनदेखि ओरालो लागेको सुनको मूल्य बिहीबार फेरि बढेको छ । नेपाल सुनचाँदी व्यवसायी महासंघका अनुसार आज सुन तोलामा दुई सयले बढेर ७९ हजार सात सय रुपैयाँ मा कारोबार भइरहेको छ। बुधबार छापावाल सुन तोलमा ७९ हजार ५ सयमा कारोबार भएको थियो । तेजावी सुन प्रतितोला ७९ हजार ४ सयमा कारोबार भइरहेको छ । चाँदी भने आज पाँच रुपैयाँले घटेर प्रतितोला नौ सय रुपैयाँमा कारोबार भइरहेको महासंघले जनाएको छ ।