शनिबार बिहान चट्याङ लागेर मकवानपुरमा एकको मृत्यु भएको छ । अर्का एकजना घाइते भएका छन् ।
मकवानपुरको भिमफेदी गाउपालिका ९ च्याउखोलाका २३ बर्षीय विजय स्याङ्ताङको मृत्यू भएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक टिका बहादुर कार्कीले बताए । उनको उपचारको क्रममा हेटौडा अस्पतालमा मृत्यु भएको जनाइएको थियो ।
त्यसैगरी घाइते हुनेमा निजको श्रीमती २२ वर्षीया सविता स्याङ्ताङ रहेको डिएसपी कार्कीले बताएका छन । घाइते सविताको हेटौंडा अस्पतालमा उपचार भइरहेको छ ।