बागमती प्रदेशको राजधानी हेटौंडाबाट (हेटौंडा–काठमाण्डौ छोटो सडक) अन्तर्गतको हेटौंडा भीमफेदी कुलेखानी सडक फराकिलो पार्ने कार्य पार्न सुरु भएको छ ।
प्रदेश सरकारले मदन भण्डारी मार्ग (हेटौंडा–काठमाण्डौ छोटो सडक) अन्तर्गतको हेटौंडा भीमफेदी कुलेखानी सडक फराकिलो पार्न सुरु गरेको हो । बागमती प्रदेशको राजधानी हेटौंडा र संघीय सरकारको राजधानी काठमाण्डौ जोड्ने सडकको स्तरोन्नती सहित सडक फराकिलो पार्न लागिएकोहो भने भीमफेदी देखी कुलेखानीसम्म १५ किलोमिटर सडकलाई २ वटा प्याकेज बनाई मर्मतको काम सुरु गर्दै सो खण्ड निर्माणका लागि १७ करोड २४ लाख १९ हजार ५ सय २१ रुपैयाँमा सो निर्माण कम्पनीले ठेक्का लिएको छ।

यसैगरी देउरालीबाट कुलेखानी सम्मको ६ किलोमिटर सडक खण्ड निर्माणका लागि १५ करोड ७० लाख ६६ हजार ६ सय ३८ रुपैयाँमा ठेक्का सम्झौता भएको यी दुबै खण्ड निर्माणका लागि गत माघ १० गते ठेक्का काम सम्झौता गरेर निर्माण सुरु गरीएको छ। सडक स्तरोन्नतीको काम एक बर्षभीत्र सम्पन्न गर्नै गरी सम्झौता गरिएको भौतिक पूर्वाधार बिकास मन्त्रालयले जनाएको छ।

भौतिक पूर्वाधार बिकास मन्त्रालयका ईन्जिनियर नबिन सिंहको जानकारी अनुसार दुबै खण्ड निर्माणका लागि अलग अलग निर्माण कम्पनीहरुले ठेक्का लिएका हुन भने सडकको घुम्ती सुधार गर्नुका साथै सडकलाई ६ मिटर फराकिलो र कालोपत्रै समेत हुने छ ।

सडकको स्तरोन्नतीपछि प्रदेशका १२ जिल्लाहरुलाई राजधानी हेटौंडा आउन थप सहज हुने बागमती प्रदेशका मुख्यमन्त्री डोरमणि पौडेलले बताए।

हेटौंडाबाट काठमाण्डौ जान पृथ्बी राजमार्ग, त्रिभुबन राजपथ, कान्ति लोकपथ, हेटौंडा–कुलेखानी–सिस्नेरी–काठमाण्डौ सडक, हेटौंडा–कुलेखानी–फाखेल–काठमाण्डौ सडक, हेटौंडा–कुलेखानी–महालक्ष्मीखोला–काठमाण्डौं सडक, हेटौंडा–भीमफेदी–ईपा–काठमाण्डौं सडक पृथ्बी राजमार्ग स्तरिय भएपनि लामो दुरी रहेका कारण यो सडक स्तरोन्नतीपछि यसले थप दुरी छोट्याउने र हरेक कुरामा सहज हुने मुख्यमन्त्री पौडेलले उल्लेख गरे ।

भौतिक पूर्वाधार बिकास मन्त्री रामेश्वर फूयाँलले एकतर्फी सडकका रुपमा सञ्चालनमा रहेको यो सडक सुधारपछि धेरैको रोजाईमा यो सडक पर्नेमा कुनै दुइ मत नरहेको भन्दै उक्त काम सकिएपछि दुई घण्टामै काठमाडौँ–हेटौँडा आउजाउ गर्न सकिने बताए । यसलाई प्राथमिकतामा राखेर निर्माण सुरु गरिएपनि अन्य सडकहरुको पनि आगामी बर्षहरुमा स्तरोन्नती हुने मन्त्री फूयाँलले बताएका हुन्।