संयुक्त अरब इमिरेट्स (युएई) मा दुई नेपाली नागरिक कोरोना भाइरसबाट संक्रमित भएका छन् । परीक्षणका क्रममा दुई जना नेपालीमा कोरोना भाइरसको संक्रमण देखिएको युएईस्थित नेपाली दूतावासले जारी गरेको सूचनामा उल्लेख छ ।

युएईको स्वास्थ्य तथा रोकथाम मन्त्रालयले जारी गरेको प्रेस विज्ञप्ति अनुसार हालसम्म युएईमा ७४ जना संक्रमित भएका छन् । जसमा १७ जना भाइरसमुक्त भएका छन् ।

दुतावासले कोरोनाको संक्रमण नियन्त्रणमा नआएसम्म नेपालीहरूलाई ठूला जमघट नगर्न र भीडभाडमा नजान अनुरोध गरेको छ । साथै, दुतावासले विज्ञप्तिमार्फत कोरोना लागेको शंका लागेमा तुरून्त दुतावासमा सम्पर्क गर्न आग्रह गरेको छ ।