हेटौंडा उपमहानगरपालिका वडा नम्बर १९ नेवारपानी सडकखण्डबाट अवैध चाँदीसहित प्रहरीले एक जनालाई पक्राउ गरेको छ ।

प्रहरीले भंसार छलि चोरी पैठारी गरि ल्याएको २ किलो ४ सय ६० ग्राम ३ सय ३१ मिलिग्राम चाँदीसहित बाग्लुङको जैमिनी नगरपालीका वडा नम्बर ७ बस्ने ३६ वर्षिय कृष्ण रसाईलीलाई पक्राउ गरेको जनाएको छ ।

उहाँलाई गत फागुन ३० गते शुक्रबार बेलुका शंकास्पद रुपमा झोला बोकि हिंडिरहेको अवस्थामा उक्त परिणामको चाँदीसहित मकवानपुर प्रहरीले पक्राउ गरेको हो ।

रसाईलीको साथबाट बरामद गरेको चाँदीको आजको बजार मुल्य १ लाख ७७ हजार १ सय ४३ रुपैयाँ रहेको प्रहरीले जनाएको छ ।

रसाईलीलाई नियन्त्रणमा लिई घटनाको विषयमा आवश्यक अनुसन्धान तथा कारबार्हीको लागि भन्सार कार्यालय बिरगंज पठाईएको मकवानपुर प्रहरीले जनाएको छ ।