मकवानपुरको राक्सिराङ गाउँपालिकामा सोमबार मिनि ट्रक दुर्घटना हुँदा एकजनाको मृत्यु भएको छ । मृत्यु हुनेमा राक्सिराङ-६ का सुमन थिङ रहेका छन् । गाउँपालिकाको वडा नम्बर ६ शिलाधुनीमा कुच्चो बनाउने अमिस्रो बोकेको मिनि ट्रक पल्टिएको हो ।
वडा अध्यक्ष सिंगलालाल प्रजाले दुर्घटनामा एकजनाको मृत्यु भएको पुष्टी गरे । उनले दुर्घटना भएको र एकजनाको मृत्यु भएको खबर आएको बताउँदै घटनास्थलतर्फ जाँदै गरेको बताए । प्रहरीले पनि दुर्घटनामा एकजनाको मृत्यु भएको जानकारी प्राप्त भएको जनाएको छ । मनहरीबाट प्रहरी पनि घटनास्थलतर्फ जाँदैछ । ट्रक शिलाधुनीबाट बजार आउँदै गरेको बुझिएको छ ।
थप विवरण आउन बाँकी रहेको छ ।