हेटौंडा उपमहानगरपालिका वडा नम्बर १ मैनटारमा भएको तीन महिने सिलाइ तालिम समापन भएको छ ।

हेटौंडा उपमहानगरपालिकाको आयोजनामा भएको उक्त तालिम सोमबार समापन भएको हो ।

तालिम समापन कार्यक्रममा हेटौंडा उपमहानगरपालिकाका प्रमुख हरिबहादुर महतले प्रमाणपत्र वितरण गुर्नभएको थियो ।

प्रमाणपत्र वितरण गर्नुहुँदै मेयर महतले सिलाई सिकेर सानो व्यावसाय गर्नका लागि सहज होस् भन्ने उद्देश्यले तालिमको आयोजना गरेको बताउनुभयो ।

उहाँले तालिम लिएर प्रमाणपत्र मात्र जम्मा गर्ने भन्दापनि तालिमबाट सिकेको सिपलाई व्यवहारमा उतार्नुपर्ने पनि बताउनुभयो ।

कार्यक्रममा हेटौंडा १ का वडाध्यक्ष सविन न्यौपाने, वडा सदस्यहरु लगायतकाको उपस्थिति रहेको थियो ।