हेटौंडाः चलचित्र पत्रकार संघ केन्द्रीय समितिको महिला उपाध्यक्षमा मकवानपुरकी दिपज्योती थापा निर्वाचित हुनुभएको छ ।

सोमबार भएको चलचित्र पत्रकार संघ केन्द्रीय अधिवेशनबाट थापा महिला उपाध्यक्ष पदमा निर्वाचित भएको हो ।

अधिवेशनबाट दिनेश सिटौलाको अध्यक्षतामा १६ सदस्यीय कार्यसमिति निर्वाचित भएको थिायो । जसको महिला उपाध्यक्षमा थापा चयन हुनुभएको हो ।

त्यस्तै संघको उपाध्यक्ष संगठनमा कुबेर डंगोल, उपाध्यक्ष जीवन पराजुली ९कार्यक्रम०, सचिव रघुनाथ सापकोटा ९खुल्ला०, महासचिवमा समिर बलामी, सचिव विशाल हसिन राई ९जनजाति०, कोषाध्यक्षमा प्रदिप कार्की, सह–कोषाध्यक्षमा बिनोद पोखरेल निर्वाचित हुनुभएका छन् ।

त्यसैगरी सदस्यहरुमा क्रमशः दिपक गुरुङ (समावेशी), सुरक्षा भट्टराई (महिला), आशिष ओली, गोपी कृष्ण चापागाई, मिलन ढुङ्गाना, मनिष अन्जान, नवीन गिरी र सृष्टि पोखरेल हुनुहुन्छ ।