हेटौंडाः बकैया गाँउपालिका ५ का १९ वर्षिय दिपेश देउजालाई चोरी गरेको आरोपमा शुक्रबार पक्राउ गरेको छ । हात्तिसुडेँका प्रहरी सहायक निरिक्षक कृष्णराज गौतमको कमाण्डमा खटिएको प्रहरी टोलीले चोरी गरिएको सामानसहित देउजालाई पक्राउ गरेको छ ।
चैत्र २६ गते पसलमा भएको रिचार्ज कार्ड, चुरोट, सिलबन्दी गरिएको मदिरा, साबुन, मन्जन, स्याप्पु, नरिवल र नगद रकम गरि करिब १२ लाख १० हजार ३ सय ४० रुपैयाँ चोरी गरेको आरोप छ ।

बकैया गाउँपालिका–४ जुरेली बस्ने होमनाथ फुयालले आफ्नै घरमा सन्चालन गरेको किराना पसलबाट सामग्री चोरी गरेको आरोपमा उनलाई पक्राउ गरिएको हो ।

पक्राउ परेका देउजामाथी थप अनुसन्धान भईरहेको जिल्ला प्रहरी कार्यालय, मकवानपुरका प्रवक्ता सुजन पाठकले जानकारी दिए ।