नेपालका ७७ मध्ये ३१ जिल्लाका ३ सय ५७  जना कोरोना भाइरसबाट संक्रमितभएका छन् । सोमबार थप ५३ जनामा संक्रमण पुष्टि भएसँगै संक्रमितको संख्या ३५७ पुगेको हो ।मुलुक भर चारसय १२ जना आईसोलेसनमा रहेका छन् ।
स्वास्थ्य मन्त्रालयले दिएको जानकारी अनुसार सोमवार बांकेमा ४६ जना पुरुष र एक जना महिला,मोरङ्ग,,गुल्मी,धनुषा,रौतहट,धादिङ्ग र दाङ्गमा एक एक पुरुषमा कोरोना भाइरस संक्रमित देखिएको हो । थप ५३ जनामा कोरोना भाइरसको संक्रमण पुष्टि भएको स्वास्थ्य मन्त्रालयका प्रवक्ता डाक्टर विकास देवकोटाले जानकारी दिए । यसअघि सोमबार बिहान रौतहटका ८ र बाराका थप १ जनामा कोरोना संक्रमण पुष्टि भएको थियो । संक्रमण पुष्टि भएकामध्ये हालसम्म ३६ जना निको भएका छन् भने सिन्धुपाल्चोकमा एक र बाँकेमा एक गरी २ जनाको मृत्यु भएको छ ।