वागमती प्रदेशको राजधानी हेटौडामा कोरोना भाईरस संक्रमितको संख्या २ जना पुगेको छ । हेटौंडा उपमहानगरपालिका वडा नम्बर ९ का एक पुरुषमा कोरोना भाइरस संक्रमण पुष्टि भएसंगै राजधानीमा संक्रमितको संख्या एकैदिन २ जना पुगेको हो । बागमती प्रदेशको सामाजिक विकास मन्त्रालयले बुधबार साँझ जारी गरेको विज्ञप्तिमा हेटौंडा–९ का ५० वर्षीय पुरुष र हेटौंडा–१ की २५ वर्षीया महिलामा कोरोना भाइरसको संक्रमण पुष्टि भएको उल्लेख छ ।
बुधवार कोरोना भाइरस संक्रमण पुष्टि भएको भनिएका पुरुष हेटौंडा ९ प्रगति टोलका व्यक्तिरहेको र उनि भारतबाट ३ दिनअघि हेटौंडा आएर सिधै आइसोलेसनमा बसेका थिए । हेटौंडा अस्पतालले सञ्चालन गरेको आइसोलेसन कक्षका स्वास्थ्यकर्मी भोला चौलागाईका अनुसार कोरोना संक्रमित व्यक्तिको स्वास्थ्य अवस्था सामान्य रहेको छ । बुधवार विहान हेटौंडा–१ चौकीटोलकी २५ वर्षीया महिलालाई कोरोना संक्रमण पुष्टि भएको थियो ।