केही दिन यतादेखि प्रभावित भइरहेको मौसम भोलिबाट क्रमिक सुधार हुँदै जाने भएको छ ।

पश्चिमी वायु र पूर्वी भू–भाग नजिक बनेको निम्न चापीय रेखाले प्रभाबित भइरहेको देशका अधिकांश स्थानमा भोलीदेखि मौसम क्रमिक सुधार हुँदै जाने मौसम पूर्वानुमान महाशाखाले जनाएको छ।

ती मौसमी प्रणाली बाहिरिने क्रम शुरु भएकाले भोलिबाट मौसम सफा हुने मौसमविद्को भनाइ छ ।

महाशाखाका अनुसार, दिउँसो देशको पूर्वी भू–भागलगायत मध्य तथा पश्चिमी भू–भागमा सामान्य बदली रही पश्चिमी पहाडी भू–भागका मेघगर्जन र चट्याङसहित वर्षाको सम्भावना रहेको छ ।

मंगलबार देशको पूर्वी भूभागलगायत मध्य तथा पश्चिमी पहाडी भूभागमा सामान्य बदली रही बाँकी भूभागमा मौसम सामान्यतया सफा रहनेछ ।