नेपाली काँग्रेस मकवानपुरका नेता उत्सव इटेनीले पत्रकारहरुका लागि ३० थान एन ९५ मास्क सहयोग उपलब्ध गराएका छन् ।

समाचार संकलनका लागि अग्रभागमा कृयाशील हुने पत्रकारहरुलाई सुरक्षित रहन आग्रह गर्दै नेता इटेनीले मास्क हस्तान्तरण गरेका हुन् ।

उनले आज हेटौँडामा प्रेस युनियन मकवानपुरका नेता एवम् अग्रज पत्रकार राममणी दाहाल, नेपाल प्रेस युनियनका उपाध्यक्ष मणिराज गौतम सचिव, केशव सर्मपण, संगठन विभाग प्रमुख बलराम पुडासैनीलगायतलाई मास्क हस्तान्तरण गरेका हुन् ।

महामारीको समयमा पत्रकारहरु जनतालाई सूचित गर्नको लागि कृयाशील भएर लागेको भन्दै उनले सम्पूर्ण पत्रकारहरुप्रति उच्च सम्मान व्यक्त गरे ।

काँग्रेसका नेता उत्सव इटेनी र तरुण दल हेटौँडा उपमहानगरका अध्यक्ष सुनिल गिरीले जिल्ला ट्राफिक कार्यालय र वडा प्रहरी कार्यालय हेटौँडाका प्रहरीहरुका लागि पनि मास्क सहयोग गरेका छन् ।

जिल्ला ट्राफिक प्रहरी कार्यालयमा २५ वटा र वडा प्रहरी कार्यालय हेटौँडामा ३० वटा मास्क सहयोग गरिएको इटेनीले बताए ।