मकवानपुरगढी गाउँपालिकामा एक बृद्धाको बुधबार राति हत्या भएको छ । मकवानपुरगढी–१ फुलबारीमा ७२ बर्षीया कान्छीमाया भोम्जनको हत्या भएको हो ।
उनका सहोदर ज्वाईँ ३९ वर्षका पदमबहादुर नेपालीले धारिलो हतियार प्रयोग गरि हत्या गरेको मकवानपुर गढी गाउँपालिका वडा नम्बर १ का अध्यक्ष आईत सिं लोले जानकारी दिए ।
जिल्ला प्रहरी कार्यालय मकवानपुरका अनुसार टाउकोमा धारिलो हतियार प्रयोग भएको छ । उनको शव घरमै रहेको छ । प्रहरीले हत्या के कारण भएको जानकारी आईनसकेको बताएको छ । घटनाको जानकारी पाए लगत्तै प्रहरी नायब उपरीक्षक ईन्द्रबहादुर रानाको टोली पुगेको छ । हत्या पश्चात स्थानीय युवाहरुले हत्या गर्ने ज्वाईँलाई बाँधेर प्रहरीलाई खबर गरेका थिए ।