राक्सिराङ गाउँपालिका वडा नं ३ को लावतीमा फुटबल खेल मैदान निर्माण कार्य सुरु भएको छ । बिगत केही दिनदेखी तिब्ररुपमा निर्माण कार्य भईरहेको हो ।

बागमती प्रदेशका प्रमुख प्रतिपक्ष दलका नेता तथा नेपाली काङ्ग्रेस मकवानपुरका जिल्ला सभापति इन्द्र बहादुर बानियाँको ब्यक्तिगत २ लाख बराबरको मेसिन सहयोग साथै नेपाली काङ्ग्रेस राक्सिराङ गाउँपालिका कार्यसमितिको २ लाख बराबरकै डिजेल र ट्रिपर खर्च गरि लावतिमा फुटबल खेल मैदान निर्माण कार्य भईरहेको नेपाली काङ्ग्रेस राक्सिराङ गाउँपालिका सभापति बिरेन्द्र जिम्बाले जानकारी दिनु भएको हो ।

खेल मैदानको अभाव रहेको राक्सिराङ गाउँपालिकामा खेल मैदान निर्माण भएपछि स्थानीय खेल प्रेमीहरुले राम्रो र व्यवस्थित रुपमा खेल्न पाउने छन् । साथै खेल मैदान निर्माण सगै राक्सिराङ गाउँपालिका, कैलाश गाउँपालिका र मनहरी गाउँपालिका युवाहरुलाई खेल खेल्न सहज हुने भएको छ । फुटबल खेल मैदान २० रोपनी जग्गामा लवातीमा निर्माण कार्य भइरहेको छ ।