प्रहरीले पेस्तोलसहित भरतपुरबाट एक जनालाई पक्राउ गरेको छ । सोमबार दिउँसो चार बजे भरतपुर महानगरपालिका–११ भोजाड गणेशथानबाट अवैध हतियार पेस्तोलसहित सोही ठाउँका २० वर्षीय सुजन सुनार पक्राउ परेको चितवन प्रहरीले जानकारी दिएको छ ।

उनले आफ्नो घरमा हतियार राखेको भन्ने सूचनाको आधारमा प्रहरी निरीक्षक प्रकाश शाहको टोलीले खानतलासी गरेको थियो ।

‘खानतलासी गर्दा उनको कोठाबाट ९ एमएम लेखेको एउटा पेस्तोल, फायर भएको जस्तो देखिने १० वटा गोली र पिँधमा चोट लागेको फायर भए जस्तो देखिने दुई थान खोका बरामद भएको छ,’ चितवन जिल्ला प्रहरी कार्यालयका सूचना अधिकारी रहेका प्रहरी नायब उपरीक्षक ९डीएसपी० एकनारायण कोइरालाले भने । उनलाई हातहतियार तथा खरखजनासम्बन्धी कसुरमा अनुसन्धान सुरु गरिएको डीएसपी कोइरालाले बताए ।