हेटौंडा उपमहानगरपालिका वडा नम्बर ११ स्मारक गेट नजिकै अहिलेको वडा कार्यालय भवनसंगै सुविधा सम्पन्न बहुउदेस्य सामुदायिक भवन निर्माणको काम सुरु गर्न लागिएको छ । सामुदायिक भवनको हेटौंडा उपमहानगरपालिकाका मेयर हरिबहादुर महतले शिलान्यास गर्नुभयो ।

एक करोड ५० लाख रुपैयाँ लागतमा निर्माण गर्न लागिएको भवनमा वडा कार्यालय राख्ने तयारी छ । यस भवनमा सुविधा सम्पन्न हल सहित, जिम क्लव, स्तनपान कक्ष समेत निर्माण गर्न लागिएको मेयर महतले वताउनुभयो । तीन तलाको भवन अपाङ्गमैत्रि निर्माण गरिने छ ।

यसभवन निर्माणको काम आउँदो आर्थिक वर्षमा सक्ने तयारी छ । उपमहानगरपालिकाले वडा कार्यालय निर्माण गर्न लागेका स्थानमा यस्ता भवनलाइृ प्राथमिकता दिने गरेको मेयर महतले वताउनुभयो ।