बलिउड हिरो सुशान्त सिंह राजपुतले आत्महत्या गरेका छन् । ३४ वर्षीय कलाकारले आत्महत्या गरेको भारतीय सञ्चार माध्यम टाइम्स अफ इण्डियाको अनलाइन संस्करणले लेखेको छ । सुशान्त सिंहले भारतको मुम्बईस्थित घरमै आत्महत्या गरेको जनाएको छ ।

सन् २०१२ मा ‘काइ पो चे’ बाट बलिउडमा प्रवेश गरेका सुशान्त सिंहको पछिल्लो चलचित्र सन् २०१९ मा रिलिज भएको ‘छिचोरे’ हो । पीके, केदारनाथ, एमएस धोनीः अनटोल्ड स्टोरी जस्ता चर्चित सिनेमा खेलेका सुशान्त सिंहको दिल बेचारा रिलिज हुने क्रममा रहेको थियो ।