हेटौंडाः ईन्धन ढुवानी गर्ने ट्यांकरमा लागुऔषध बरामद भएको छ । सोमबार राती पौने ९ बजेको समयमा पूर्वपश्चिम राजमार्गअन्तर्गत हेटौंडा–९ मा ईलाका प्रहरी कार्यालय पशुपतिनगरबाट खटिएको प्रहरी टोलीले वीरगंजबाट पोखरातर्फ जाँदै गरेको ना ६ ख ४९० नम्बरको डिजेल लोड रहेको ट्याङकरबाट लागुऔषधसहित कोरेक्स १ हजार ४ सय मिलिलिटर बरामद गरेको छ ।

ट्याङकरको क्याविनमा लागुऔषध लुकाई छिपाई ल्याएको अवस्थामा प्रहरीले बरामद गरेको जनाएको छ । प्रहरीले ट्याङकरका चालक हेटौंडा–४ का २९ वर्षीय रुपेश थापा र सहचालक मकवानपुर जिल्लाको थाहा नगरपालिका–१२ का १८ वर्षीय विशेष स्याङतानलाई नियन्त्रणमा लिई आवश्यक अनुसन्धान गरिरहेको जनाएको छ ।