हेटौंडा उपमहानगरपालिकाले आज आफ्नो सातौं नगरसभा बैठकका अवसरमा मकवानपुरका सात जना पत्रकारलाई पुरस्कृत गरेको छ । उपमहानगरपालिकाले वषैपिच्छे बिकास पत्रकारिता पुरस्कार वितरण गर्दै आएको छ । त्यही अनुसार आज छापा तथा विधुतिय माध्यममा काम गर्ने पत्रकारलाई बिकास पत्रकारिता पुरस्कारबाट पुरस्कृत गरिएको हो ।

उपमहानगरपालिकाले अग्रज पत्रकार सम्मानबाट तीन दशक अघिदेखि पत्रकारितामा क्रियासिल प्रकास साप्ताहिकका सम्पादक नबराज शर्मालाई नगद १७ हजार सहित सम्मानित गरिएको हो । उहाँलाई बागमती प्रदेशका मुख्यमन्त्री डोरमणि पौडेलले नगद सहित सम्मान गर्नुभयो ।

त्यसैगरी कान्तिपुर दैनिक तथा साझाकुरा दैनिकमा कार्यरत पत्रकार सुवास बिडारी, नयाँ पत्रिका दैनिकमा कार्यरत सुदीप शिवाकोटी, हेटौंडा एफ। एममा कार्यरत कृष्ण उदास खनाल, रेडियो निकासमा कार्यरत सुरेश श्रेष्ठ, दहिमालयन टाइम्समा कार्यरत प्रकाश दाहाल, सहिखवर साप्ताहिकमा कार्यरत सरिता दाहाललाई सम्मान गरिएको हो । सवैलाई नगद १३ हजार पाँच सय रुपैयाँका दरले दोसल्लाह र प्रमाणपत्र सहित उपमहानगरपालिकाका मेयर हरिबहादुर महत र उपमेयर मिना कुमारी लामाले सम्मान गर्नुभयो ।