हेटौंडामा ६ हजार ७ सय जनाको कोरोना परिक्षण
गुगलपाटी संवाददाता
हेटौंडा उपमहानगरपालिका वडा नम्बर १० स्थित किटजन्य रोग अनुसन्धान तालिम केन्द्रमा सञ्चालन गरिएको कोरोना भाइरस (कोभिड १९) को प्रयोगशालामा हाल सम्म ६ हजार ७ सय ३ जनाको कोरोना परिक्षणका लागि नमुना प्राप्त भएको छ ।
नमुना प्राप्त भएका मध्य धेरैको कोरोना परिक्षण गरिएको छ । भने केहीको परिक्षणको चरणमा राखिएको छ । पछील्लो समय काठमाण्डौको प्रयोगशालामा कोरोना जाँच गर्न धेरै चाप भएपछी नमुना हेटौंडाको प्रयोगशालामा ल्याएर जााच् गर्ने चरणमा रहेको छ ।
हाल सम्म कोरोना परिक्षण गरिएका मध्यमा अधिकांश तराइका जिल्लाबाट परिक्षणका लागि ल्याइएका नमुनामा रहेका छन् । संक्रमितहरु अधिकांश तराइको बारा, पर्षा र रौतहटका छन् ।
कोरोनाको माहामारी सुरु भएदेखि हाल सम्म हेटौंडाको बागमती प्रादेशीक ल्यावमा ६ हजार ७ सय जना भन्दा वढीको कोरोना जाँच गरिएको बागमती प्रदेशको सामाजिक विकास मन्त्रालयका डाक्टर पुरुषोत्तम सेढाईले जानकारी दिनुभयो । यहाँको ल्यावमा कोरोना जाँच गराउनेको धेरै चाप वढेको छ । तर, जाँच भने दु्रत गतिमा हुन सकेको छैन ।
प्रयोगशालामा पर्याप्त जनसक्तिको अभाव, पर्याप्त किट नहुने जस्ता समस्या भने कायमनै रहेका छन् । संकलन गरिएको स्वावको रिपोर्ट ढिलो आउने जस्ता समस्या पनि छन् । प्रयोगशालामा देखिएका केही प्राविधिक समस्या र स्वाब संकलन धेरै भएर पालो पर्खनुपर्ने बाध्यता पनि छ ।
हेटौंडाको कर्रामा रहेको आइसोलेसनमा पीसीआर परिक्षण गराउन आउनेहरुको पनि निकै चाप वढेको छ । पछील्ला दिनहरुमा बिदेशबाट फर्कने, कोरोना संक्रमित व्यक्ति नजिक भएकाहरुको चाप निके वढेको आइसोलेनका इन्चार्ज भोला चौलागाईले जानकारी दिनुभयो । आइसोलेसनमा रहेर पीसीआर परिक्षणको रिपोर्ट नेगेटिभ प्राप्त भएपछी मात्र डिस्चार्ज गर्ने गरिएको छ ।
हेटौंडाको ल्यावमा निरन्तर रुपमा कोरोना भाइरसको संका लागेका विरामीको स्वाब परिक्षण गरिदै आएको बागमती प्रदेशको सामाजिक विकास मन्त्रालयका डाक्टर सेढाईले वताउनुभयो ।
बितेको चैतमै ल्याव सञ्चालनमा ल्याएर निरन्तर रुपमा कोरोना परिक्षण गरिदै आएको छ । हेटौंडाको ल्यावमा मकवानपुर, बारा, पर्षा, रौतहट, धादिङ, सिंधुली, सिन्धुपाल्चोक लगायतका जिल्लाबाट स्वाब परिक्षणका लागि ल्याउने गरिएको छ । हेटौंडाको कर्रामा रहेको आइसोलेसनमा कोरोनाको संका लागेका विरामीहरुको पनि कोरोना परिक्षण गरिदै आएको छ । बिदेशबाट फर्किएका र कोरोना संक्रमितको नजिक रहेकाहरुको स्वाब परिक्षणका लागि ल्याउने गरिएको छ ।