जिल्ला प्रहरी कार्यालय मकवानपुरले सुस्मिता केसी थापाको हत्या प्रकरणमा संलग्न चार जनालाई पक्राउ गरेको आज सार्वजनिक गरेको छ ।

मृतक केसीको हत्यामा उनकै ५८ बर्र्षीय ससुरा प्रकाश थापा, २३ बर्षीया कान्छि नन्द सीता थापा, ५० बर्र्षीया सासु तुलसा थापा र २७ बर्र्षीया जेठी नन्द दुर्गा थापा संलग्न रहेको मकवानपुर प्रहरीले बताएको छ ।
सुस्मितालाई आफ्नै घरको भान्सा कोठामा ससुरा, सासु र कान्छि नन्दले लाठि, लोरोलगायतले टाउकोमा हिर्काएर मारेको प्रहरीको अनुसन्धानबाट खुलेको छ । जेठी नन्द दुर्गा थापा भने त्यसदिन काठमाडौँ भएको प्रहरीले जनाएको छ । हेटौँडा उपमहानगरपालिका वडा नम्वर ४ घर भएकी २६ बर्षकी थापा असार २ गते मृत अवस्थामा फेला परेकी थिईन् ।
प्रहरीको प्रारम्भीक अनुसन्धानबाट सुस्मितालाई ससुरा प्रकाश थापाले केही दिन अघि बाथरुममा यौन दूव्र्यवहारको प्रयास समेत गरेको खुलेको छ । अभियुक्तहरुलाई जन्मकैदको सजाँय माग गरिने प्रहरीले जनाएको छ ।