मकवानपुर प्रहरीले लागुऔषध गाँजासहित २ जनालाई भरियालाई पक्राउ गरेको छ ।
इलाका प्रहरी कार्यालय पशुपतिनगरबाट खटिएको प्रहरी टोलीले वुधबार ११ केजी गाँजासहित उनीहरुलाई पक्राउ गरेको हो । चितवनबाट वीरगंज तर्फ जादै गरेको ना ४ ख ९३५३ नं को यात्रुबाहक बसलाई हेटौंडा–१५ रातोमाटेमा रोकी चेकजाँच गर्ने क्रममा बसमा सवार चितवन बस्ने २५ वर्षीय प्रेमलाल तामाङ र निजगढ बस्ने ६५ वर्षिय रत्नबहादुर मोक्तानलाई पक्राउ गरिएको मकवानपुर प्रहरीले जनाएको छ ।
जिल्ला अदालतबाट ५ दिनको म्याद थप गरी आवश्यक अनुसन्धान जारी राखेको जिल्ला प्रहरी कार्यालय मकवानपुरले जनाएको छ । प्रहरीका अनुसार उनीहरु गांजाका भरिया हुन् ।