बिहिबार साँझबाट सुरु भएको वर्षाको कारण मकवानपुरको हेटौँडा उपमहानगरपालिका वडा नंबर ५ को एक घर डुवानमा परेको छ ।

हेटौँडा ५ अब्बल डाँडामा रहेको गोपीनी गौतमको घर डुवानको चपेटामा परेपछि वडा अध्यक्ष राजेश बानीया तथा वडा प्रहरी कार्यालय हेटौँडाका प्रहरी निरिक्षक इश्वरी प्रसाद भण्डारीको टोली उक्त क्षेत्रमा पुगेका छन् ।
टोलीले डुवानमा परेको घरको बारेमा बुझेको र उनीहरुको परिवारलाई सुरक्षित स्थानमा लैजाने तयारी गरेको प्रहरी निरिक्षक भण्डारीले खबरब्रेकलाई बताए । हेटौँडा उपमहानगरपालिकाको वडा नंबर ५ को धेरै स्थान प्रत्येक वर्ष डुबानको चपेटामा पर्ने गरेको छ ।