मकवानपुरमा मोटरसाइकल दुर्घटना हुँदा एकजनाको मृत्यु भएको छ । मकवानपुरको भीमफेदी गाउँपालिका वडा नं १ भैँसेस्थित खोप्लाङमा मोटरसाइकल दुर्घटना हुँदा २७ वर्षीय युवकको ज्यान गएको हो ।

मृत्यु हुनेमा हेटौंडा उपमहानगरपालिका वडा नं १ चाइनाक्वार्टरका २७ वर्षीय दिपेश पाण्डे रहेको जिल्ला प्रहरी कार्यालय मकवानपुरले जनाएको छ । ना ६२ प ९७१५ नंबरको मोटरसाइकल दुर्घटना हुँदा मोटरसाइकलमा सवार पाण्डेको मृत्यु भएको प्रहरी नायब उपरीक्षक (प्रवक्ता) इन्द्रबहादुर रानाले जानकारी दिए ।

मोटरसाइकल अनियन्त्रित भई दुर्घटना भएको प्रवक्ता रानाले जानकारी दिए । पाण्डेको उपचारको क्रममा हेटौंडा अस्पतालमा मृत्यु भएको उनले बताए ।