मकवानपुरमा कोरोना भाइरस संक्रमितको संख्या ४० पुगेको छ । आईतबार हेटौंडा उपमहानगरपालिकाको वडा नंबर ५ र १४ की २ महिलामा संक्रमण पुष्टि भए संगै संक्रमितको संख्या ४० पुगेको हो ।
पछिल्लो दिनमा मकवानपुरमा प्रत्येक दिनजसो संक्रमितहरु थपिएको कोरोना आइसोलेसन वार्ड हेटौँडाका प्रमुख भोलाप्रसाद चौँलागाईले खबरब्रेकलाई बताए ।

कोरोना संक्रमित ४० जना मध्ये हालसम्म २६ जना निको भएको आफुलाई जानकारी आएको उनको भनाई रहेको छ । हाल आइसोलेसन वार्डमा ८ जना तथा काठमाण्डौँ उपत्यका क्षेत्रमा ६ जना संक्रमितहरु आइसोलेन वार्डमा रहेका छन् । यसैबिच बागमती प्रदेशमा कोरोना भाइरस संक्रमितको संख्या ८ सय ५८ पुगेको छ । बागमती प्रदेशको सामाजिक विकास मन्त्रालय अनुसार आईतबार प्रदेशको ३ जिल्लामा ५ संक्रमित थपिए संगै संक्रमितको संख्या ८ सय ५८ पुगेको हो ।
बागमती प्रदेशमा ४ सय ३७ संक्रमित कोरोना मुक्त भएका छन् भने ९ संक्रमितले ज्यान गुमाएका छन् ।