मकवानपुरको मनहरी गाउँपालिकाका थप एक जना पुरुषमा कोरोना भाइरस संक्रमण पुष्टि भएको छ । मनहरीको रमणटारको क्वारेन्टाइनमा रहेका १८ जना मध्ये १ जनामा कोभिड १९ को संक्रमण पुष्टि भएको हेटौंडाको कर्रामा रहेको आइसोलेसनका इन्चार्ज तथा जनस्वास्थ्य निरिक्षक भोला चौलागाईले जानकारी दिनुभयो ।

हिजो स्वाब संकलन गरिएकोमा आजै मनहरी गाउपालिकाका वडा नंम्बर ८ का ३७ बर्षका पुरुषमा कोरोना संक्रमण पुष्टि भएको हो । खाडी मुलुक दुवईबाट आएका युवाहरु ६ दिन अघि नेपाल आएका हुन । चितवन, बकैया, हेटौडाका ११ जना आएका मध्यमा एक जनामा कोरोना संक्रमण भएको चौलागाईले वताउनुभयो ।

काठमाडौंबाट हेटौडा आएका ती युवामा संक्रमण पुष्टि भएको छ भने अन्यको जाँच भएको नभएको एकिन भएको छैन । आजैउनिहरुलाई कर्रा आईसोलेसन वार्डमा ल्याउने तयारि छ । मकवानपुरमा अहिलेसम्म हेटौडामा सबैभन्दा बढि १२ जनालाई र दोश्रोमा मनहरिका ११ जनामा संक्रमण भएको र सात जना डिस्चार्ज भई सकेका छन ।