हेटौंडाः यात्रुसँग बढी भाडा लिने भाडाका सुमोलाई मकवानपुर प्रहरीले शुक्रबार नियन्त्रणमा लिएको छ । जिल्ला प्रहरी कार्यालय मकवानपुर र जिल्ला ट्राफिक प्रहरी कार्यालय मकवानपुरबाट खटिएको संयुक्त जाँचटोलीले त्रिभुवन राजपथ अन्तर्गत हेटौंडा–१ को विभिन्न स्थानमा हेटौडाबाट काठमाडौंतर्फ जाने भाडाका सुमोहरुले यात्रुसँग बढी भाडा लिएको पाइएकोले नियन्त्रण लिएको मकवानपुर प्रहरीले जनाएको छ ।

प्रहरीले प्र.३–०३–००१ ज ००२८, प्र.३–०३–००१ ज ००१८, ना १ ज २५०५ र ना १ ज ७३१८ नम्बरका सुमोहरुलाई नियन्त्रणमा लिई बढी लिइएको भाडा फिर्ता गरी सुमो चालकलाई कानून अनुसारको कारवाही गरिएको जनाएको छ ।