हेटौँडा उपमहानगरपालिका वडा नम्वर १७ मा ट्याक्टर दुर्घटनामा परी गम्भीर घाइते भएका २ जनाको हेटौँडा अस्पतालमा उपचारको क्रममा मृत्यु भएको छ ।

मृत्यु हुनेमा बागमती गाउँपालिका वडा नम्वर ६ का (बर्ष नखुलेको) सुजल नेगी र सोही स्थान बस्ने बर्ष अन्दाजी ५० को शंखर लोप्चन रहेको हेटौँडा अस्पतालले जनाएको छ ।

त्यसैगरी अर्का १७ बर्षका घाइते मनोज जिम्बाको भने उपचार भइरहेको अस्पतालले जनाएको छ ।

धरान चतरा सडकखण्ड अन्तर्गत पर्ने सडकमा ना ५ त ८०८८ नम्बरको ट्याक्टर दुर्घटना हुँदा ३ जना घाइते भएका थिए ।

ट्याक्टर हेटौँडाबाट रड बोकी बागमती गाउँपालिकातर्फ जाँदै गर्दा ओभरलोडका कारण अनियन्त्रित भएर दुर्घटना भएको बुझिएको छ ।

ट्याक्टरको चालक फरार रहेको मकवानपुर प्रहरीले जनाएको छ ।