मकवानपुरको माण्डु हाइड्रोपावरमा एक जनाको शव फेला परेको छ ।

भीमफेदी गाउँपालिका वडा नम्बर ८ मा रहेको माण्डु हाइड्रोपावरमा आज विहान एक पुरुषको शव फेला परेको इलाका प्रहरी कार्यालय भीमफेदीले जनाएको छ ।

भीमफेदी प्रहरीका अनुसार, हाइड्रोपावरको पानी जम्मा गर्ने स्थानमा फोहर सफा गर्ने क्रममा बागमती खोलाले बगाई ल्याएको अवस्थामा पुरुषको शव फेला परेको हो । उक्त शव घोप्टो परेको अवस्थामा फेला परेको थियो ।

घटनास्थल तर्फ जिल्ला प्रहरी, भीमफेदी प्रहरी र स्नेरी प्रहरीको टोली जाँदै गरेको र घटनाको विषयमा थप विवरण आउँन बाँकी रहेको जनाएको छ ।