हेटौंडा÷ हेटौंडा–१०, भुटनदेवी रोडमा अवस्थित आपसी टोल विकास संस्था हेटौंडाका युवाहरुको सक्रियतामा पैसा उठाएर टोल सरसफाइ तथा डिसइन्फेक्टेड गरिएको छ ।
बढ्दो कोरोना महामारी तथा डेंगु रोगबाट बच्नका लागि आपसी टोल विकास संस्थाको नेतृत्वमा त्यसक्षेत्रमा रहेको ५२ घरधुरीबाट पैसा संकलन गरेर डिसइन्फेक्टेड गरिएको संस्थाका पूर्वअध्यक्ष पुष्कपल न्यौपानेले जानकारी दिए । उनका अनुसार स्थानीय तहले बजार क्षेत्रमा डिसइन्फेक्टेड गरेको भएपनि त्यसक्षेत्रमा नगरेपछि आफूहरुले सक्रियता देखाएको बताए । समितिले त्यसक्षेत्रमा माक्स तथा सेनिटाइजर समेत वितरण गरेको छ ।
डिसइन्फेक्टेड कार्यमा स्थानीय प्रहरी नायब निरीक्षक ज्ञानेन्द्र ढकाल तथा नेपाली कांग्रेस केन्द्रीय महिला विभाग सदस्य शर्मीला श्रेष्ठलगायतले सहजीकरण गरेका थिए ।