मकवानपुरको थाहा नगरपालिका वडा नम्बर–१२ टिष्टुङ गैरीगाउँमा रहेको ढुङ्गा खानिमा पहिरो जाँदा बेपत्ता भएका एकजनाको शव भेटिएको छ । ढुङ्गा खानी अवैध तरिकाले उत्खनन् गरेका कारण पहिरो लडेपछी खानीमै रहेका मजदुरको मृत्यु भएको हो ।

पहिरोका कारण ढुंगा खानिमा काम गर्ने अन्दाजी ५४ बर्षीय कालु मोक्तानको शव भेटिएको मकवानपुर प्रहरी प्रवक्ता डिएसपी इन्द्र बहादुर राना जानकारी दिनुभयो । खानीमा एउटा एमकसाभेटर, तीन वटा टिप्पर पहिरोले हिजो साँझ पुरेको थियो । मोक्तानको शव ३ सय मिटर तल फेला परेको थियो ।

चुनढुङ्गा खानी उत्खनन् गर्दा मापदण्ड पुरा नगरीकन उत्खनन् गरेकाले पहिरो गएको स्थानीय वासिन्दाले वताएका छन् । खानीमा वर्षायामको समयमा उत्खनन् गर्दा पनि तल भित्र सम्म कप्ने र माथीको भाग लडेर पहिरो गएको आसंका गरिएको छ ।