हेटौंडाको चौकिटोलमा मोटरसाइकलको ठक्करबाट घाइते भएका बृद्धको उपचारका क्रममा मृत्यु भएको छ । मोटरसाइकलले ठक्कर दिंदा घाइते भएका हेटौंडा उपमहानगरपालिका वडा नम्बर २ चौकीटोलका ७० बर्षीय पुर्णबहादुर श्रेष्ठको उपचारका क्रममा हिजो बेलुकी मृत्यु भएको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले जानकारी दिनुभयो ।

टाउको र शरीरको विभिन्न भागमा चोट लागेका उनको उपचारका क्रममा चुरेहिल अस्पतालमा मृत्यु भएको हो । भैसेंबाट हेटौंडातर्फ आउँदै गरेको ना ६४ प ५३०६ नम्बरको मोटरसाइकलले चौकीटोलमा ठक्कर दिएको थियो ।