हेटौंडा उपमहानगरपालिका वडा नंबर ७ न्युरेनीमा भएको मोटरसाईकल दुर्घटनामा घाईते भएका दुई जनामा एक जनाको मृत्यु भएको छ ।

मृत्यु हुनेमा मोटरसाईकलमा पछाडी सवार बकैया गाउँपालिका वड नंबर ५ राजदमारका ३१ वर्षीय ईन्द्र बहादुर थिङ रहेको जिल्ला प्रहरी कार्यलय मकवानपुरका प्रहरी प्रवक्ता ईन्द्र बहादुर रानाले बताए । उनको उपचारको क्रममा मृत्यु भएको हो ।

यसैगरि अर्का घाईते मोटरसाईकल चालक सोहि स्थानका २१ वर्षीय जुत्ते घलानको हेटौंडा अस्पतालमा उपचार भईरहेको छ ।

मंगलबार दिउँसो हेटौंडाबाट बकैया जाँदै गरेको ना १५ प ५१७० नंबरको मोटरसाईकल आफै अनियन्त्रित भएर रोकि राखेको ना ६ ख ६७५३ नंबरको टिपर संग ठाक्किदा दुर्घटना भएको थियो ।