मकवानपुरमा कोरोना भाइरस (कोभिड–१९) संक्रमितको संख्या १ हजार ४ सय २४ जना पुगेको बागमती प्रदेशको सामाजिक विकास मन्त्रालयले जनाएको छ ।

मन्त्रालयका प्रवक्ता कोभिड–१९ डा. पुरुषोत्तम राज सेढाईका अनुसार, जिल्लामा बुधबार एकैदिन थप ५२ जनामा कोरोना संक्रमण पुष्टि भएसँगै संक्रमितको संख्या १ हजार ४ सय २४ जना पुगेको हो ।

बुधबार बागमती प्रदेशमा १ हजार ४६ जनामा कोरोना पुष्टि भएको थियो । जसमा मकवानपुरका ५२ जनामा कोरोनापुष्टि भएको हो । बुधबार जिल्लाको सबैभन्दा हेटौंडामा संक्रमित थपिएको मन्त्रालयले जनाएको छ ।

मन्त्रालयका अनुसार, जिल्लामा हाल २८ जना क्वारेन्टाइनमा, ४ जना होमक्वारेन्टाइनमा र ६३ जना आइसोलेशनमा बस्दै आएका छन् ।