हेटौंडा उपमहानगरपालिका १० बसपार्कमा एक युवकको शव फेला परेको छ । जानकारी दिए । अन्दाजी २५÷३० वर्षको पुरुषको फेला परेको शवको हालसम्म पहिचान खुल्न नसकेको जिल्ला प्रहरी कार्यलय मकवानपुरका प्रहरी प्रवक्ता ईन्द्र बहादुर रानाले ।

शव फेला परेको भन्ने सुचना प्राप्त हुन साथ जिल्ला प्रहरी कार्यलयबाट प्रहरी निरीक्षक समेतको टोली घटनास्थलमा पुगेको थियो । घटनास्थलमा लाश जाँच प्रकृति मुचुल्का लगायतको प्रारम्भिक अनुसन्धान सम्पन्न गरि हेटौडा अस्पतालको शब गृहमा ल्याई राखिएकोमा बुझ्दा मृतक पुरुष व्यक्ति बिगत केहि समय अगाडीदेखि हेटौंडा बजारको फुटपाथमा बस्ने गरेको पाईएको जिल्ला प्रहरी कार्यलय मकवानपुरले जनाएको छ ।

प्रहरीले मृतक पुरुषको हाल सम्म सनाखत नभएको भन्दै निम्न हुलिया भएको निज मृतकलाई चिन्नुहुने व्यक्तिले निज मृतकको आफन्त र यस जिल्ला प्रहरी कार्यालयको ९८५५०९०१५० फोन गरी सहयोग गर्न अनुरोध गरेको छ ।

वर्ण गहुँ गोरो, उचाई ५ फिट ४ ईन्च , पातलो शरिर, मंगोलियन जाती जस्तो देखिने, नाक छोटो, अनुहार लाम्चो, ३ ईन्च लबाईको कालो कपाल, गालामा पुरानो घाउँको दाग भएको, बाँया खुट्टाको नलिखुट्टा भाचि सुकेको, कालोमा सेतो रंगको बुट्टा भएको हाप टिसर्ट सो भित्र आकाशे रंगको सेन्डो, निलो रंगको जिन्स पाईन्ट लगाएको ।