प्रहरीले पर्साबाट १ किलो ८ सय ग्राम लागूऔषध चरेशसहित दुई जनालाई पक्राउ गरेको छ ।

पक्राउ पर्नेहरुमा मकवानपुरको मनहरी गाउँपालिका वडा नम्बर ३ हाँडिखोलाकी ५० बर्षीया सिता रिजाल र पटेर्वा गाउँपालिका वडा नम्बर–२ बंकुलका दुखि मिंया रहेका छन् ।

उनीहरुलाई प्रहरी चौकी रंगपुर, पर्साबाट खटिएको प्रहरीले जिल्लाको पटेर्वासुगौली गाउँपालिका वडा नम्बर २ बंकुल टोलबाट उक्त परिणामको चरेशसहित पक्राउ गरेको हो ।

बंकुल टोलबाट रंगपुरतर्फ पैदल हिडिरहेको अवस्थामा शंकालागेर जाँज गर्दा रिजालले बोकेको झोलामा लुकाई छिपाई राखेको लागूऔषध चरेश बरामद भएपछि पक्राउ गरेको प्रहरीले जनाएको छ ।

प्रहरीको अनुसन्धानका क्रममा उक्त परिणामको लागुऔषध चरेश दुखि मिंयाको रहेको पाईएकोले जिल्ला अदालत पर्साबाट १० दिनको म्याद थप गरी अनुसन्धान अगाडी बढाइएको पर्सा प्रहरीले जनाएको छ ।