टोल विकास संस्था नगर समन्वय समितिको आयोजनामा हेटौंडा उपमहानगरपालिका वडा नम्बर १२, १५ र १८ मा नव गठित ३५ वटा टोल विकास संस्थाका कोषाध्यक्षहरूका लागि लेखा व्यवस्थापन तालिम शुरू भएको छ ।

         टोल विकास संस्था नगर समन्वय समितिका कार्यवाहक अध्यक्ष ध्रुव प्रसाद अधिकारीको अध्यक्षता तथा हेटौंडा उपमहानगरपालिकाका उप मेयर मिना लामाको प्रमुख आतिथ्यतामा सम्पन्न कार्यक्रममा टोल विकास संस्था नगर समन्वय समितिका महासचिव गङ्गा प्रसाद पौडेल, सदस्य ज्ञान बहादुर थापा, चन्द्रावती अधिकारी,गिता मैनालीको उपस्थिति रहेको थियो । कार्यक्रममा तेज प्रसाद रूपाखेती र पूर्णमान श्रेष्ठले सहजिकरण गरिरहनु भएको छ । कार्यक्रममा ३ वडाका ३५ जनाको सहभागीता रहेको छ ।
तालिम कार्यक्रम जेठ १३ गते शुरू भई १५ गते समापन हुनेछ । टोल विकास संस्थाको बचतले गर्दा टोल टोलमा आर्थिक समृद्धि, स्वरोजगार वृद्धि भईरहेको जसको कारणले नगरको समग्र विकासमा महत्त्वपूर्ण योगदान पुगेको प्रमुख अतिथि मिना लामाले बताउनु भयो ।