बागमती प्रदेशमा रिक्त रहेको राष्ट्रिय सभा सदस्य पदको उपनिर्वाचनका लागि गृहमन्त्री राम बहादुर थापा बादलले उमेद्घवारको मनोनयन दर्ता गराउनु भएको छ । हेटौंडा ५ मा रहेको बागमती प्रदेश निर्वाचन आयोगको कार्यालय पुगेर बादलले मनोनयन दर्ता गराउनु भएको हो । मनोनयन दर्ताका लागि बागमती प्रदेश मन्त्रिमण्डलको टोली र नेकपा एमाले नेता सहितको टोली बादलसँगै बागमती प्रदेश निर्वाचन आयोगको कार्यालय पुग्नु भएको थियो ।
बादलको उमेद्घवारीको प्रस्तावकमा बागमती प्रदेशका मूख्यमन्त्री डोरमणि पौडेल र समर्थकमा बागमती प्रदेशको सामाजिक विकास मन्त्री सरस्वती बस्नेत रहनु भएको छ ।नेकपा एमालेको आधिकारीक उमेद्वार आफु भएको र प्रदेशमा नेकपा एमालेको बहुमत रहेकाले आफ्नो जीत निश्चित भएको वताउनु भयो ।
राष्ट्रिय सभाको उपनिर्वाचनमा साझा साझा उम्मेदवारका रुपमा डाक्टर खिमलाल देवकोटाले मनोनयन दर्ता गराइसकेका छन। देवकोटाको उम्मेदवारीको प्रस्तावकमा नेकपा माओवादी केन्द्र बागमती प्रदेश संसदीय दलका नेता शालिकराम जम्कटेल र समर्थकमा नेपाली कांग्रेस बागमती प्रदेशका प्रमुख सचेतक राधा घले रहेका छन ।संबिधानको रक्षा, बिभिन्त्र आन्दोलनबाट प्रप्त उपलब्धीको रक्षाका लागि स्बतन्त्र रुपमा उम्मेदवारी दर्ता गरेको बताए ।
नेपाली कांग्रेस, नेकपा माओवादी केन्द्र,नेकपा एमालेको माधवकुमार नेपाल समूह र जनता समाजवादी पार्टी जसपाको उपेन्द्र यादव पक्षको संयुक्त गठबन्धनका साझा उम्मेदवारका रुपमा देवकोटा रहेको जनाईएको छ ।
बागमती प्रदेश निर्वाचन आयोगको कार्यालय पुगेर नेमकिपा उम्मेदवार कृष्ण बहादुर तामाङ्गले पनि मनोनयन दर्ता गराएका छन् । तामाङ्गको उम्मेदवारीको प्रस्तावकमा सांसद सुरेन्द्र राज गोसाई र समर्थकमा सांसद सिर्जना सैज्यु रहेका छन ।
मनोनयन दर्ताको समय साझँ ४ बजे सम्म तोकिएको छ । उक्त पदको लागि आगामी जेठ ६ गते हेटौंडा ४ मा रहेको भुटनदेवि स्कुलको चौरमा मतदान हुनेछ ।