सोमबार बेलुका आएको हावाहुरीले रुख ढालेपछि भित्रुवन राजपथ अवरुद्ध भएको छ ।
हेटौंडाबाट काठमाडौं जाने उक्त सडकखण्ड अन्तरगतको हेटौंडाकै सुपारेटार ब्यारेक अगाडि रहेका रुखहरु ढलेपछि बेलुका करिब ६ बजेबाट सो सडकखण्ड अवरुद्ध भएको हो । सडक अवरुद्ध भएपछि हेटौंडाबाट काठमाडौं तर्फ जान लागेका सवारी साधन र काठमाडौंबाट हेटौंडा तर्फ आइरहेका सवारी साधन रोकिदा सयौं यात्रुहरु अलपत्र परेका छन् ।
अहिले सडक खुलाउने प्रयास भइरहेको प्रहरीले बताएको छ । सडकमा ढलेका रुखहरु हटाउनका लागि नेपाली सेना र नेपाल प्रहरी तथा सशस्त्र प्रहरी सहित स्थानीयहरु पनि खटेका छन् । सडक खुलाउने प्रयास भइरहेको प्रहरीले बताएको छ ।