मकवानपुर उद्योग वाणिज्य संघकाे आसन्न निर्वाचनमा उद्योग तर्फकाे उपाध्यक्ष पदमा रविन्द्र घिमिरेले उम्मेदवारी घाेषणा गरेका छन् ।

घिमिरे अध्यक्ष उम्मेद्वार अनिल अग्रवालकाे प्यानलबाट उद्योग तर्फकाे उपाध्यक्ष पदमा उम्मेद्वार रहने भएका हुन । घिमिरे हेटाैंडा उपमहानगरपालिकाकाे नगर खेलकुद विकास समिति अध्यक्षसमेत छन्  घिमिरे २०५२ सालदेखि सरल निर्माण सेवाबाट व्यवसायिक क्षेत्रमा सक्रिय छन् । उनले हेटाैंडाकाे बुद्ध चाेकमा साई कलेक्शन नामकाे तयारी पाेशाक कपडाकाे व्यवसाय पनि सञ्चालन गरिरहेका छन् ।

घिमिरेले उम्मेदवारी छाेड्छ भन्ने  बजारमा हल्ला फिजाइएकाेले भ्रम चिर्न पत्रकार सम्मेलन गरेर जानकारी गराइएकाे बताए । `म विगतमा पनि थाेरै मतान्तरले पराजित भएकाेले यसवर्ष व्यवसायीहरूकाे हक हितमा लाग्नका लागि पुनः उम्मेदवारी दिएकाे छु ।´ उनले भने । आफनाे जितपछिकाे कार्यकाल नितान्त व्यवसायीकाे समस्या समाधान र उनीहरूकाे अधिकार स्थापित गराउन अभ्यस्त हुने विश्वास दिलाए ।घिमिरे हेटाैंडा उपमहानगरपालिकाकाे नगर खेलकुद विकास समिति अध्यक्षसमेत छन् ।

उद्योग तर्फबाट सदस्यमा दिपक शिवाकाेटी, राजकुमार बानियाँ, कृष्णगाेपाल महर्जन र महिला आरक्षण  सदस्यमा मेनका श्रेष्ठ उम्मेद्वार रहेका छन् । मउवा संघकाे अधिवेशन पुस २४ गतेदेखि २७ गतेसम्म हुनेछ ।