चितवनको भरतपुर महानगरपालिका ४ शिवघाटस्थित एभरेष्ट पेन्ट्स प्रालिमा आगलागी भएको छ । आज बिहान सात बजे सुरू भएको आगलागी नियन्त्रणको प्रयास भईरहे पनि नियन्त्रणमा आउन नसकेको भरतपुर प्रहरीले जनाएको छ ।
भरतपुर महानगरपालिकाका साथै मकवानपुर र नवलपरासीबाट गएका दमकलले नियन्त्रणको प्रयास भईरहेको चितवन जिल्ला प्रहरी कार्यालयका प्रवक्ता प्रहरी नायब उपरीक्षक प्रभुप्रसाद ढकालले बताए । बिजुली सर्ट हुँदा आगलागी भएको प्रहरीको अनुमान छ ।
दमकलका साथै, सेना, प्रहरी र सशस्त्र प्रहरी जुटे पनि डेढ घण्टासम्म पनि आगलागी नियन्त्रणमा लिन नसकिएको डिएसपी ढकालले जानकारी दिए । आगलागी जारी रहेकाले क्षतिको बिवरण आउन सकेको छैन ।