/मकवानपुरको मनहरी गाउँपालिका–६ सुनाचुरीमा गएराती कुखुरा बोक्ने भ्यानको ठक्करबाट मोटरसाइकलमा सवार एकजनाको मृत्यु भएको छ । राती करिब १२ बजेको समयमा चितवनबाट हेटौंडातर्फ आउँदै गरेको ना ३ च ७०५७ नम्बरको भ्यानले पूर्वपश्चिम राजमार्गअन्तर्गत मनहरीको सुनाचुरीमा विपरित दिशाबाट गइरहेको ना ३९ प १५७२ नम्बरको मोटरसाइकललाई ठक्कर दिएको थियो । ठक्करबाट मकवानपुरको राक्सिराङ गाउँपालिका–६ काँकडाका ३३ वर्षीय राजकुमार तामाङ गम्भीर घाइते भएकोमा उपचारको लागि लैजादै गर्दा बाटोमै मृत्यु भएको प्रहरीले जनाएको छ । ठक्कर दिने भ्यान र चालकलाई नियन्त्रणमा लिई आवश्यक कारबाहीको प्रक्रिया अघि बढाइएको जिल्ला टा«फिक प्रहरी कार्यालय मकवानपुरले जनाएको छ ।