तङ्ग इल मो–दो संघ (एकीकृत मार्सल आर्ट) मकवानपुर शाखाको बेल्ट प्रमोसन कार्यक्रम हेटौँडामा सम्पन्न भएको छ ।
संघका राष्ट्रिय प्रशिक्षक तेजबहादुर सिंहको अध्यक्षतामा बेल्ट प्रमोशन भएको हो ।कार्यक्रममा ७ जना खेलाडीहरुलाई सेतो बेल्टबाट पहेँलो बेल्टमा बढुवा गरिएको डब्लू क्याराप मकवानपुर शाखाका सहायक प्रेमबहादुर घलानले जानकारी दिए । कार्यक्रममा खेलाडीहरुको स्तर परिक्षण राष्ट्रिय प्रशिक्षक सिंह, जिल्ला प्रशिक्षकद्वय चन्द्रबहादुर बि.क र राजु घलानले गरेका थिए ।
समाजमा भएको विकृति, विसंगति, यौनअपराध,भ्रष्टाचार जस्ता समस्या नियन्त्रण गर्दै दिगो शान्ति स्थापना तथा संस्कारयुक्त खेलाडीहरु निर्माण गर्ने उदेश्यले प्रशिक्षण सहित बेल्ट प्रमोशन गरिएको प्रशिक्षक सिंहले बताए । कार्यक्रममा मकवानपुर जिल्लाको प्रतिनिधित्व गर्दै प्रशिक्षक चन्द्रबहादुर बि.कले एकिकृत मार्सल आर्ट विशेष गरी ‘शान्तिका लागि मर्सल आर्ट’ भन्ने उद्देश्यका साथ बिस्तार भएको बताए ।