मकवानपुरको मनहरीबाट खटिएको प्रहरीको टोलीले अबैध रुपमा ढुंगा तथा बालुवा उत्खनन् गरेको भन्दै चारजनालाई पक्राउ गरेको छ ।
मनहरीमा रहेको लोथर खोलामा अबैध रुपमा उत्खनन् गर्र्दे गरेको अवस्थामा जेसिबी र टिपर सहित चारजना त्यसका चालकलाई प्रहरीले नियन्त्रणमा लिएको हो । पक्राउ पर्नेमा चितवनको फ्रेन्डशिप कन्स्ट्रक्सनको ना. १ क. ६८१९,ना. १ क ६८०१ जेसिबिहरु र ना. ७ ख .७९७६ नम्बर टिपर सहित चालकहरु प्रदिप श्रेष्ठ,रुपलाल चौधरी ,मैते चौधरी र शन्त बहादुर तामाङ् रहेका छन् । उनीहरु बिरुद्ध सार्वजनिक अपराध ऐन अन्तरगत मुद्दा दर्ता भएको जिल्ला प्रहरी कार्यालय मकवानपुरले जनाएको छ ।
फेला परेको मोवाइल धनीकै हातमा
जिल्ला प्रहरी कार्यालय मकवानपुरमा बिभिन्न समयमा बरामद फेला परेको मोवाइल सम्बन्धित ब्यक्तिलाई मंगलबार बुझाएको छ । प्रहरीले बसामाडी बस्ने सीता माया मोक्तानको र रातेमोटेका अमेरिका लामाको मोवाइल चोरी भएको उजुरी परेपछि मंगलबार उनीहरुलाई दिइएको मकवानपुरका प्रहरी उपरीक्षक लोकेन्द्र श्रेष्ठले बताए ।