हेटौँडा उपमहानगरपालिका वडा नम्बर १२ पान्तले हात्तिगौँडामा अवस्थित श्री बुद्ध माविमा भूतपूर्व विद्यार्थी संगठन गठन गरिएको छ । विद्यालयका शिक्षक पूर्ण लामाको अध्यक्षतामा बसेको भूतपूर्व विद्यार्थीहरुको भेलाले चन्द्रबहादुर घलान अध्यक्ष रहने गरि भूपू विद्यार्थी संगठनको गठन गरेको हो ।

संगठनको उपाध्यक्षमा केबल न्यौपाने, सचिवमा मनमति बि.क., सहसचिवमा गणेश दुलाल र कोषाध्यक्षमा सर्मिला थिङ चयन भएका छन् । त्यस्तै सदस्यहरुमा प्रतिक्षा भट्टराई, मनिता पाख्रिन, श्रीकृष्ण न्यौपाने र सुमित्रा आले मगर रहेका छन् ।

भेलाले विद्यालयका सम्पूर्ण भूपू विद्यार्थीहरु संगठनको सदस्य रहने समेत निर्णय गरेको छ । साथै आगामी दिनमा विद्यालयको समग्र शैक्षिक विकासका लागि विविध कार्य गर्ने समेत निर्ण गरिएको छ ।

यसैबीच बुद्ध माविको ५७ औँ अभिभावक भेला सम्पन्न, उत्कृष्ट विद्यार्थी र शिक्षकलाई सम्मान

हेटौँडा, २५ जेठ । हेटौँडा १२ हात्तिगौँडा पान्तलेमा अवस्थित श्री बुद्ध माध्यमिक विद्यालयको ५७ औँ अभिभावक भेला सम्पन्न भएको छ । विद्यालय व्यवस्थापन समितिका अध्यक्ष पूण्य सिद्धि लामाको अध्यक्षता तथा वडा नम्बर १२ का वडाअध्यक्ष ललित घलानको प्रमुख आतिथ्यतामा भेला सम्पन्न भएको हो ।